Парижда инновацион ҳамкорликни кенгайтириш истиқболлари муҳокама қилинди

Ўзбекистон элчиси Нодир Ганиев Франция пойтахтидаги “Station F” инновацион стартап-хаби фаолияти билан танишди, деб хабар бермоқда “Дунё” АА мухбири.

Ташриф давомида “Station F”нинг халқаро стартап-экотизимдаги ўрни, шунингдек, Ўзбекистон билан инновацион ҳамкорликни ривожлантириш истиқболлари муҳокама этилди.

Учрашув якунида томонлар “Station F” ва “IT Park Uzbekistan” ўртасида инновациялар ва стартаплар соҳаларида ҳамкорлик йўлга қўйиш, шунингдек, ўзбекистонлик стартапчиларни халқаро акселерация дастурларига жалб этиш ҳамда қўшма ташаббусларни амалга ошириш бўйича келишиб олдилар.